Gemeng Nidderanwen ass säit dem Audit vom 12. Mee 2023 Gold certifiéiert an huet 80.2% vun der Maximalpunktzuel erreecht. Des Weideren ass d'Gemeng mat der thematescher Zertifizéierung ,,Kreeslafwirtschaft'' ausgezeechent ginn.

Dat aktuellt Klimateam setzt sech aus folgende Persounen zesummen:

• 1 Member vum Gemengerot: Josselijn de Vries
• 9 intresséiert Bierger: Pitt Beicht, Chiara Casoni, Guy Clausse, Christa Karis, Christophe Loeillet, Paul Polfer, Michel Schaus, Guy Uhres & Christian Wagner
• 1 Vertrieder vum Commerce: Christian Kaempff
• 1 Gemengebeamten: Kevin Becker
• 1 Beroder: Yves Moecher den d'Ekipp animéiert

2 photos

2023:

Hei fannt Dir e puer Aktivitéiten, déi d'Gemeng 2023 am Kader vum KlimaPakt ëmgesat huet:

• KlimaPakt-Gold a Circular Economy Zertifizéierung
• Fäerdegstellung a Beschloss vum Klima-Upassungs- an Digitaliséierungskonzept, souwéi de Klimaleitbild-Aktiounsplang
• Erhéijung vun der Gemengesubventioun fir d'Installatioun vu rationneller Energienotzung vun 30% op 50%
• Planung vun der Sanéierung vum Stade Jos Becker (PAC, PV, Reewaassernotzung, Hitzerückgewinnung an den Duschen...)
• Ausbau vun der Tennishal um Sennengerbierg (mat PV, Nahwärmenetz iwwer Holzhackschnëtzel, Reewaassernotzung)
• Analyse a Kommunikatioun vun de Resultater vun der Energie-Kampagne 2022-2023
• Ofschloss an Aweiung vun der Cogeneratiounsanlag ,,Am Sand'' (Wärmenetz Pellets, Holzverkleedung, Gréngdaach)
• Organisatioun - Infoversammlung Enercoop Syrdall iwwert de PV Projet CIPA Nidderaanwen
• Aféierung vun enger Gréngschnëtt-Collecte vun Dier zu Dier, dëst op Commande
• Aweiung vum éischte Guttland.Trail an der Gemeng, dem Guttland.Trail Aarnescht
• Aféierung vun 3 FLEX Carsharing-Statiounen
• Bestellung vun engem Quartiersanéierungskonzept
• Circular Economy Bildungsprogramm an der Schoul iwwert de Musée du Déchet

2022:

Am Joer 2022 huet Gemeng Nidderaanwen méi wéi 70 Aktivitéiten am Sënn vum Klimapakt gestart bzw. ëmgesat.

Zu dësen Aktivitéiten ziele beispillsweis:

• Start vum Ruffbus Syrdall zesumme mat der Gemeng Schëtter.
• Aféierung vun der ëmweltfrëndleche Charta fir Veräiner.
• Erstellung vun der Broschür fir d’ ekologesch Subsiden.
• Organisatioun vum 1. Repair Café den 18.6.2022 am Centre polyvalente « A Schommesch » mat 18 Reparaturen.
• Aktiounen zur Fuerderung vum Krunnewaasser :
  • Verdeelung vu gratis Waasserfläsche fir d’ Schoulkanner a Personal.
  • Installatioun vun 10 Waasserfontänen a kommunale Gebaier.
• Workshoppen zum Leitbild „Klimapakt“, dem Klimaupassungs- an dem Mobilitéitskonzept.
• Délibératioun vum Ressourcenkonzept, den Energiespuermesuren an den Haaptlinne fir 2030 vum Klimapakt.

2021:

Am Joer 2021 huet Gemeng Nidderaanwen méi wéi 60 Aktivitéiten am Sënn vum Klimapakt gestart bzw. ëmgesat.
Zu dësen Aktivitéiten ziele beispillsweis:

• Neit Energiekonzept 2020 zur kommunalen Energieplanung.
• Opstellung vun engem Renovatiounskonzept fir d’ gemenge Gebaier
• Installatioun vun enger PV-Anlag um Scouts Chalet zesumme mat der Enercoop Syrdall
• Planung vun engem Repair Café zesumme mat de SIAS Gemengen.
• Ausbau vun de Moossname fir Verkéiersberouegung an der Gemeng (Zone 30, Berliner Kissen)
• Ausbau vun eise Vëlosweeër a Richtung Schëtter, Betzder a “Am Sand”
• Installatioun vun 2 Vél’OH!-Statiounen a Planung vu weidere Statiounen
• Aktiounen zur Sensibiliséierung wärend der Mobilitéitswoch a der Woch vum Bam.”

2020:

Am Joer 2020 huet Gemeng Nidderanwen ronn 60 Aktivitéiten am Sënn vum Klimapakt gestart bzw. ëmgesat.
Zu dësen Aktivitéiten zielen beispillsweis:

• Aféierung vum neien Taxenreglement am Kader vun enger “Null Offall”-Politik
• Imlpementéierung vun engem Energiemanagementsystem zur Kontroll vum Energieverbrauch an den gemengen Gebaier.
• Wiessel vun verschiddenen Luuchten (Stroossebeliichtung, Schoul) op LED
• Installatioun vun Waasserspenderen an den Sportshalen.
• Weider Elektrifizéierung vun der gemengen Autoflott.
• Astellung vun engem Chargé de l’environnement et de l’énergie, souwéi Gestaltung vun engem Service de développement durable.
• Planzaktioun vun 12 Birebeem fir den Jorgang 2019 am Kader vum Dag vum Bam 2020

2019:

Folgend Aktivitéiten goufen 2019 op Gemenge Niveau oder an Zesummenaarbecht mat anere SIAS Gemengen op d’Been gestallt:

• Re-Zertifizéierungs Audit 50%
• Quelleschutz Spezialist op SIAS Niveau ausgeschriwwen
• Dat neit Offall Reglement gouf regional beschloss
• Studie fir eng gemeinsam Notzung vun de Gebaier am Kader vum Ressourcen Zentrum
• „Nohaltegkeet mécht Schoul“ Programm duerchgezunn
• Den Dach gouf der Energie Kooperativ Enercoop Syrdall zur Verfügung gestallt
• Park Management Konzept
• D’Leit déi fir d’Gemeng schaffen kruten den M-Pass fir extra gutt Konditiounenzur Verfügung gestallt
• Weiderféierung vu punktuelle Verbesserungen vun der Verkéiers Sécherheet (Foussgänger Iwwergäng asw.)
• Nei Verkéiers Weeër:
  • Verbindung Mënsbech-Nidderaanwen (d’Aarbechten misste normalerweis 2020 ufänken)
  • Uschloss vum PC2 mam Terrain vum Gemengenhaus
• Projet Pedibus gestartet
• Akaf vun engem weideren Elektro Auto

2018 :

• Erstellung vun engem Reenwaasserkonzept
• Superdreckskëscht-Zertifizéierung fir d'Schoulen
• Quelleschutz (Informatiounsveranstaltung a Workshop mat Biergerbedeelegung)
• Ersatz fir de P. Schumacher: verantwortlech fir de Klimapakt
• Offallsteieren als Ëmsetzung vum Offallkonzept soll 2018 beschloss ginn
• Verschidden Ëmbaute gi geplangt: Loysi, Sporthalle, CIPA
• Parkraummanagementkonzept
• De Charly-Minibus gëtt ab März elektresch bedriwwen
• Regional ass e neit Konzept fir de Recyclingcenter geplangt
• Baukontroll iwwert en Expertenbüro gëtt iwwerpréift
• Bilanz- und Indikatorensystem gëtt am Klimateam iwwerschafft
• Ausbau vum Vel‘oh –Netz aus der Stadt Lëtzebuerg op de Gemengeterritoire
• Bau vun engem Waasserbehälter an engem Gebai fir de Stroossendéngscht
• Plangen vun enger Kläranlag
• Neue Verkéierweeër: 
  • Verbindung Munsbach – Niederanven (SUP 2017 faerdeggestellt)
  • Uschluss PC2 – Gemengenhaus
• Machbarkeitsstudie Velosweeër bei der N1
• Weiderféirung vun de punktuelle Verbesserungen vun der Verkéierssécherheet (Foussgängerweeër, asw.) 
• Filmrei zur Sensibiliséierung

2017 : 

• Neit Konzept fir d'Offallwiertschaft (Verschaffen & Steieren)
• Verbessert Kommunikatioun durch Sozialmedien
• Beihëllef am Aklang mat de neie Foussgänger- (Rëtsch) an Velosweeër (Verbindung tëschent Nidderaanwen & Mënsbësch) 
• Sanéierung vum ëffentleche Schoulgebai "am Sand"
• Présentatioun & Kommunikatioun "Energiekonzept"
• Migratioun Enercoach vun Excel op Gescom Plattform
• Fortsetzen vun der Ëmstellung vun der Stroossebeliichtung op LED-Technik
• Finanziell Primm M-Pass für d'Beamten vun der Gemeng
• Konzept Straßenmiwwléirung
• Kommunikatiounskonzept

D'Gemeng Nidderaanwen gouf am Oktober 2015 auditéiert an huet am Ofschloss e Niveau vun 58%.
Am Februar 2017 konnte mer eng Stéigerung vun 6,9% op en Zwëschestand vun 64,9% errechen.

Zu deene vum Ëmweltministère a vum Energieminstère am PNEC „Le Plan national intégré en matière d’énergie et de climat“ fir 2030 festgeluechten Ziler, zielen:

• Reduzéierung vun den Zäregasen ëm -55% par Rapport zu 2005
• Steigerung vun den erneierbaren Energië vun 11% op 25%
• Steigerung vun der Energieeffizienz vu 40% bis 44%

Mir als Gemeng setzen eis Ziler an Ofstëmmung mat dëse Virschrëften a maachen eis Bescht fir alles ze erreechen an am beschte Fall ze iwwertreffen.

De gesamten nationalen Energie- an Klimaschutzplang fannt dir hei.

Zousätzlech zum nationale Plang, hunn mir zousätzlecher Konzepter fir d’Entwécklung bis 2030 ausgeschafft: